М.Әуезов атындағы Оңтүстік Қазақстан мемлекеттік университетінің институттарында ҚХР-ден, Өзбекстан, Түркменстан, Түркия, Тәжікстан, Қырғызстан республикаларынан, Ресей Федерациясынан келген студенттер білім алады.

Шетелдердегі қазақ диаспорасына ақысыз дайындық курстары, тегін жатақханалар қамтамасыз етіліп, ай сайын стипендия тағайындалады. Биылғы оқу жылында аталмыш курста ҚХР мен Монғолиядан 139 (ҚХР-ден 136, Монғолиядан-3) тыңдаушы оқиды. Үстіміздегі оқу жылында дайындық курста ҚХР, Монғолия, Өзбекстанмен Түркменстаннан 87  тыңдаушы оқыған болатын. Сонымен қатар факультетте  шетелдік азаматтар, облыс пен қалалық орта мектептерді бітірген түлектер үшін ақылы дайындық курсы қызмет істейді.

Біздің университеттегі тыңдаушыларға арналған түрлі формадағы дайындық курсының сапасы, мемлекетіміздің басқада жоғарғы оқу орындарының ұқсас бағыттағы дайындық курстарының нәтижесімен салыстырғанда  жоғарғы көрсеткішке ие. 2006 оқу жылындағы 87 шетелдік қазақ диаспорасының өкілдері мен оралмандардан  51 тыңдаушы мемлекеттік оқу грантының иегері атанды. 

Облыстық және қалалық орта мектеп бітірген түлектер үшін дайындық курсының айлық ақысы 3600 тенге, математика, Қазақстан тарихы, қазақ тілі немесе орыс тілі және төртінші профилді пән бойынша сабақ сағат 15 ден бастап 18 ге дейін өтіледі.