Шетел студенттерімен жұмыс жүргізу және жоғары оқу орнына дейінгі дайындық факультет жаңалықтары

Кітап әлеміне саяхат

2018 жылдың  мамыр айының 19-шы жұлдызында М.Әуезов атындағы ОҚМУ-дың Шетел студенттерімен жұмыс жүргізу және ЖОО-ға дейінгі дайындық факультетінің тыңдаушылары А.С.Пушкин атындағы облыстық ғылыми-әмбебап кітапханасында болып, руханият ордасының бүгінгі тыныс-тіршілігімен танысты. Тыңдаушылар кітапхананың барлық бөлімдерін аралап көріп, жаңа кітаптар мен, мерзімді басылымдар залындағы газет-журналдарды қызыға қарап шықты.

Өңір мұрағатымен танысып қайтты

Күні кеше, мамыр айының 18-і күні, М.Әуезов атындағы ОҚМУ-дың Шетел студенттерімен жұмыс жүргізу және ЖОО-ға дейінгі дайындық факультетінің тыңдаушылары аға оқытушы Ақбота Тургумбаеваның жетекшілігімен облыстық мемлекеттік мұрағатта болып қайтты. Шара барысында жастар РФ мемлекеттік архивінен алынған құжаттармен, сондай-ақ Сырдария округіне қатысты құжаттармен танысты. Әсіресе оларды Т.Рысқұлов, С.Қожанов, Ж.Аймауытов, өз өңірімізден шыққан С.Үсенов секілді тұлғалардың өмірінің беймәлім беттерінен сыр шертетін тарихи құжаттар қатты қызықтырды.

Көшпелі көрмені көріп қайтты

Жуырда біздің Шетел студенттерімен жұмыс жүргізу және жоғары оқу орнына дейінгі дайындық факультетінің тыңдаушылары облыстық тарихи-өлкетану мұражайына саяхаттап қайтты, шара барысында шетелдік қандастарымыз облысымыздың кешегі тарихы мен бүгінгі жетістіктерінен сыр шертетін экспонаттарды тамсана тамашалады.

ЕРЛІК ЕШҚАШАН ҰМЫТЫЛМАЙДЫ

Жуырда М. Әуезов атындағы ОҚМУ-дың Шетел студенттерімен жұмыс жүргізу және ЖОО-ға дейінгі дайындық  факультеті  Отан қорғаушылар күні мен  9 мамыр –Жеңіс мерекесіне орай «Ерлік ешқашан ұмытылмайды» атты Ауған соғысы және Ұлы Отан соғысы ардагерлерімен  кездесу  кеші өтті. Кешке  университетіміздің Ардагерлер кеңесінің төрағасы Э.Тілеуов пен қаламыздағы Ауған соғысы ардагерлері қауымынаң төрғасы Қ.Оспанов,  орынбасары Б.Өтебаев пен ардагерлер және колледж студенттері мен факультет тыңдаушылары  қатысты.

Студенттік көктем – 2018

Жуырда университетімізде Елбасымыздың «Болашаққа бағдар: рухани жаңғыру» бағдарламасы аясында дәстүрлі «Студенттік көктем -2018» байқауы өтті. Оқу орнымыздың 14 факультетінің өнерлі өрендері бақ сынаған айтулы байқауда біздің Шетел студенттерімен жұмыс жүргізу және ЖОО-ға дейінгі дайындық факультетінің өнерлі жастары да белсене қатысып, жоғары орындардан көрінді.

Мұрағат – тарих айнасы

2018 жылы 10 сәуір күні М.Әуезов атындағы ОҚМУ-дың Шетел студенттерімен жұмыс жүргізу және жоғары оқу орнына дейінгі дайындық факультетінде Оңтүстік Қазақстан мемлекеттік мұрағаты «Сырдария округіндегі тәркілеу науқанына қатысты құжаттар жинағы» және «Түркістан өлкесіндегі оқу-ағарту ісі» атты құжаттар мен материалдар жинақтарымен таныстыру кеші өтті.

БОЛАШАҚҚА БАСТАҒАН ӘЛЕУМЕТТІК БАСТАМАЛАР

М.Әуезов атындағы ОҚМУ-нің Шетел студенттерімен жұмыс жүргізу және ЖОО-ға дейінгі дайындық факультетінің акт залында 2018 жылғы  13-наурызда факультет тыңдаушылары мен оқытушылары қатысуымен   Қазақстан Президенті Нұрсұлтан Назарбаевтың  “ПРЕЗИДЕНТТІҢ БЕС  ӘЛЕУМЕТТІК  БАСТАМАСЫ” атты халыққа үндеуін насихаттау іс-шарасы өтті.

Сен өзіңді ойлағаннан да мықтысың, оят өзіңді!

02.03.18ж факультетіміздің акт залында университет жанынан ашылған «Психологиялық көмек көрсету» орталығының мамандарымен «Сен өзіңді ойлағаннан да мықтысың, оят өзіңді!» тақырыбында мотивациялық семинар өтті. Семинарға психологиялық көмек көрсету орталығының жетекшісі Айтжанова Гүлнар, бас мамандары Дайырова Айзат және Стаева Айгерім қатысты. Семинарды Айтжанова Гүлнар ханым өз баяндамасымен ашып берді.

Қызым үйде - қылығы түзде

2018 жылдың  ақпан  айының 22 күні факультетіміздің «Қыз Жібек» қыздар клубының ұйымдастыруымен №6 жатақханада «Қызым үйде - қылығы түзде» тақырыбында дөңгелек үстел өтті.  «Ақылды қыз білімге жүгінер, ақымақ қыз сөзге ілінер» дегендей, қазақ қызын абыройсыздықтан сақтаумен қатар, қыз тәрбиесіне баса мән берген. Қоғамымыздағы бұл түйткілді мәселе де осынау іс-шараның өтілуіне себеп болып отыр.     

Дамудың жаңа мүмкіндіктері

2018 жылдың ақпан айының 22-жұлдызында Шетел студенттерімен жұмыс жүргізу және ЖОО-ға дейінгі дайындық факультетінің тыңдаушылары тұратын М.Әуезов атындағы ОҚМУ-дің №6 жатақанасының акт залында факультеттің оқытушылары мен тыңдаушылары қатысуымен Елбасы Нұрсұлтан Әбішұлы Назарбаевтың Қазақстан халқына Жолдауымен танысу  отырысы болды.

Беттер