Шетел студенттерімен жұмыс жүргізу және жоғары оқу орнына дейінгі дайындық факультет жаңалықтары

Тарихымызды қастерлеу – ұрпақ парызы

Таяуда факультетіміздің 6-география және 8-шығармашылық тобының тыңдаушылары өңіріміздегі Саяси –қуғын құрбандарына арналған мұражайға барып қайтты. Атажұртқа алыстан білім қуып келген қандастарымыз шара барысында зұлматты жылдар зобалаңы хақында мәліметтер алып, сталиндік  қуғын – сүргіннің құрбандары туралы толыққанды мәліметтер алды. Мұражайдың ғылыми қызметкері Ғ.Қасымбек жастарды мұражайдың тыныс-тіршілігімен таныстырып, оңтүстіктің, С.Қожанов, Т.Рысқұлов, С.Үсенов секілді белгілі қоғам қайраткерлерінің өмірі мен қызметі жайлы тағылымды әңгімелер айтты.

«Ана – сен бақыттысың!»

6-наурыз күні М.Әуезов атындағы ОҚМУ-дың Шетел студенттерімен жұмыс жүргізу және жоғары оқу орнына дейінгі дайындық факультетінде өнерлі жастардың ұйымдастыруымен «Ана – сен бақыттысың!» атты мерекелік концерттік бағдарлама өтті. Көктемнің көрікті мерекесі 8-наурыз халықаралық әйелдер күніне арналған бұл кешке факультетіміздің студенттері мен тыңдаушылары, оқытушылары мен оқу орнымыздың тәрбие ісі және жастар саясаты департаментінің бас маманы Гүлжан Орынбекова қатысты.

«Арай-2017» байқауының жеңімпазы – Серікхан Арай

Шымкент қаласында облыстық опера және балет театрында «Арай - 2017» жас эстрада әншілері мен мәдени іс-шара жүргізушілер байқауы болып өтті. ҚР Мәдениет және спорт министрлігінің жауапты қызметкері Қуанышбек Мұқанғалиев төрағалық еткен байқауда, қазылар алқасының құрамында әнші Шаһизада Байпатшанова, эстрада жұлдызы Бағлан Жолдасов сынды мәдениет қайраткерлері болды.
Бұл жолғы байқаудың ерекшелігі, республикалық, халықаралық деңгейдегі өнер байқауларының лауреаттары мен мәдениет майталмандары облыстың аудан-қалаларында болып,  үміткерлерді іріктеуден өткізді.

Мұқағали поэзиясына арналған әдеби-музыкалық кеш

Жуырда М.Әуезов атындағы ОҚМУ-дың Шетел студенттерімен жұмыс жүргізу және жоғары оқу орнына  дейінгі дайындық факультетінде ақиық ақын М.Мақатаевтың туған күніне орай «Мұқағали – поэзия мұзбалағы» атты әдеби-музыкалық кеш өтті. Кешке Қазақстан журналистер Одағының мүшесі, ақын Ә.Әліп, Абай атындағы орталық кітапхананың әдістемелік бөлімінің меңгерушісі Р.Сұлтанбек, оқу орнымыздың тәрбие бөлімінің бас маманы Г.Орынбаева, оқытушылар мен тыңдаушылар қатысты.

Жаңарудың жарқын жолы

Жуырда М.Әуезов атындағы Оңтүстік Қазақстан мемлекеттік университетінің Шетел студенттерімен жұмыс жүргізу және жоғары оқу орнына дейінгі дайындық факультетінде Елбасымыздың биылғы жылғы халыққа арнаған «Қазақстанның үшінші жаңғыруы: Жаһандық бәсекеге қабілеттілік» Жолдауын талқылау өтті.

Үміт сыйлаған Үндеу

Жуырда М.Әуезов атындағы ОҚМУ-дың Шетел студенттерімен жұмыс жүргізу және жоғары оқу орнына дейінгі дайындық факультетінде оқытушылар арасында Елбасымыз Н.Назарбаевтың билік тармақтары арасындағы өкілеттіктерді қайта бөлу мәселелері жөніндегі үндеуін талқылау өтті.

Дінсіз тәрбие – тамырсыз көшет

Шетел студенттерімен жұмыс жүргізу және жоғарғы оқу орнына дейінгі дайындық факультеті қаңтар айының 25-жұлдызы күні «Дінсіз тәрбие – тамырсыз көшет» тақырыбы аясында дөңгелек үстел ұйымдастырды. Аталған іс-шараға «Дін мәселелерін зерттеу орталығы» қызметкерлері, «Қарабура» мешітінің найб имамы және университетіміздің «Жастар саясаты және тәрбие департаменті» мамандары қатысты. Жас ұрпақты тәрбиелеуде дінімізді түрлі жаман әдеттерден қорғап, хақ діннің дұрыстығына сеніп, тіршілікте оның асыл құндылықтарын дұрыс пайдалана білу туралы әңгіме өрбітіп, жастарға рухани азық берді.

«Тербет елді тәуелсіздік ұраны»

Тәуелсіздігіміздің 25 жылдығы қарсаңында факультетіміздің өнерлі өрендері Абай атындағы кітапхана ұжымымен бірлесе отырып, «Тербет елді тәуелсіздік ұраны» атты әдеби-музыкалық кешін өткізді. Кешті мерзімді басылымдар залының кітапханашысы  Назира Сейтжанова жүргізіп, кеш қонақтарын таныстырды. Өз кезегінде кеш қонағы Абай ауданы  әкімі аппаратының  мәдениет бөлімінің бастығы Арынғазиев Бауыржан ҚР Тәуелсіздігінің 25 жылдық мерейтойымен  кеш қонақтарын, оқырмандарды құттықтап, Қазақстан Республикасының әлем қауымдастығы алдында мерейі әрдайым осылай үстем болуын тіледі.

Қарттарым, аман-саумысың?

«Қариясы бар елдің қазынасы бар» дейді дана халқымыз. Сондықтан «үлкенге-құрмет, кішіге-ізет» көрсетудің маңызы аса зор деп білеміз. Күні кеше, 30-қарашада біздің М.Әуезов атындағы ОҚМУ-дың Шетел студенттерімен жұмыс жүргізу және ЖОО-ға дейінгі дацындық факультетінің өнерлі өрендері қалалық қарттар үйіндегі қамкөңіл қариялардың тыныс-тіршілігімен танысып, қайырымдылық концертін қойып қайтты.

«Білім берудің тұрақты дамуды қамтамасыз етудегі рөлі» атты онлайн бейнеконференцияның өткізілуі туралы

Қазақстанның XXІ ғасырда өркениетті әлемнен орын алып, дамыған елдердің деңгейінде болуына ықпал ететін бірден-бір құдірет –  білімді, тәрбиелі, ақыл-парасаты мол ұрпақты жетілдіру.

Беттер