Мекен - жайы: Қ. Рысқұлбеков көшесі №1, № 13 ғимарат

Байланыс телефоны: 21-33-47

Факс: 21-01-41

e-mail: fis.ukgu@mail.ru

WWW: htpp://www.ukgu.kz

 

 

     Шетел студенттерімен жұмыс жүргізу жөніндегі факультет университеттің Ғылыми Кеңесінің шешімі негізінде 29.12.2004 жылы құрылды.

     Факультет 11 пән бойынша Ұлттық бірыңғай тестілеу (ҰБТ) және кешендік тестілеуге дайындық жұмыстарын жүргізеді, ақылы дайындық курсында оқитын тыңдаушылар, шетелдік қазақ диаспорасы өкілдері және оралмандарға арналған дайындық курсында оқитын тыңдаушылар, шетел азаматтарына арналған дайындық курсында оқитын тыңдаушылар арасында оқу, тәрбие жұмыстарын жүргізеді.

     Факультет мектеп (лицей, гимназия) бітірушілеріне оқу орындарында қазақ немесе орыс тілдері, математика, Қазақстан тарихы, сондай-ақ жалпы тарих, география, қазақ әдебиеті, физика, химия, биология, ағылшын тілі және басқа да жалпы білім беретін және таңдаған мамандыққа сәйкес арнайы пәндерді оқытатын дайындық курстарын ұйымдастырады.

 

 

     Факультет 4 бағытта жұмыс істейді:

      1. Университетімізде күндізгі бөлімде оқып жатқан шетел студенттерімен жұмыстар жүргізу.

      2. Шетелдегі қазақ диаспорасы өкілдеріне арналған дайындық курстары.

      3. Шетел азаматтарына арналған ақылы негіздегі дайындық курстары.

      4. Жергілікті мектеп оқушыларын жоғарғы оқу орнына дайындау.

      Ақылы дайындық курсының басты мақсаттары:

 

 

     Қоғамның дамуына айтарлықтай үлес қосуға қабілетті студент жастарының жеке өзіндік қасиеттерін жүзеге асыруға және жан-жақты толыққанды дамуына жағдай жасауды қамтамасыз ету факультет дамуының стратегиялық мақсаты болып табылады.

     Факультеттің мақсаттарын орындау келесі мәселелерді шешу арқылы жүзеге асырылады:

 

 

     Факультеттің дайындық курсында ғылым кандидаттары мен тәжірибелі оқытушылар қызмет етеді. Тыңдаушылардың білім дәрежесін арттыру үшін барлық пәндер бойынша модульді технология, оқытудың интерактивті әдісі, виртуалды жұмыстар және ашық сабақтар өткізіледі.

 

 

     Шетелдік студенттер факультетіміздің шығармашылық іс-шараларына да белсене араласуда. Олар өздерінің әндері мен төл туындылары арқылы ерекше қабілеттерін танытуда. Тыңдаушылардың туындылары БАҚ-та, телеарналарда көрініс тауып келеді.

     Университетте шетел студенттерін оқу орнының қоғамдық өміріне тартуға үлкен көңіл бөлінеді. Факультет студенттері республикалық және халықаралық конкурстарға қатысып, жүлделі орындарға ие болуда. Факультет талантты жастарды тәрбиелеп, университеттің жетістіктерін толықтыруда.

     Сондай-ақ, ИСТ-09-1к тобының студенті Өзбекстандық Ж. Мамбетов Таэквон-До бойынша халықаралық турнирлердің жеңімпазы, қара белбеу иегері.

     Сонымен бірге, факультетіміздің мәдени іс-шараларында студенттер мен тыңдаушылардың қатысуын атап айтуға болады. Мысалы, "Шынайбол" тобы, Ернар, Ерхалық, Назарбек Жібек және Тоқан Елдос (ҚХР), Файзиев Жанбол (Өзбекстан) және Негматов Нурмухаммад (Тәжікстан) бірнеше рет әртүрлі конкурстарда жүлделі орындарға ие болды.

     Өзбекстандық студенттер «Интер-ФИС» КТК командасын құрып университеттің ойындарында қатысуда.

     Шетелде өмір сүріп жатқан қандастарымыз ұлтымыздың салт-дәстүрлері мен тілін және мәдениетін сақтап келе жатқанын осында білім алып жатқан олардың ұрпақтары да дәлелдеп жүр. Мәселен, Қытайдан келген жастар қазақтың «Қара жорға» биін буындарын сыртылдата билеп, ән-күйлерімізді тамылжыта орындайды. Сондай-ақ, қазақ тілінің қаймағын бұзбай сақтаған осы жастар әдебиетке бір табан жақын екендіктерін де байқатуда. Ал, моңғолиялық ағайындар ұлтымыздың ою-өрнегінің байырғы нұсқаларын әкеліп, қолөнер жәдігерлеріміздің еселенуіне үлес қосып келеді.

     Факультетіміздің студенттік деканат басшылығымен ұйымдастырылған белсенді студенттерден құралған студенттік кеңесі бар. Онда жатақхана тынысы, шығармашылық өмір, студенттердің маңызды мәселелері, денсаулығы турасында апта сайын белсенді түрде мәжіліс өткізіледі.

 

 

     Шетел студенттерімен жұмыс жүргізу жөніндегі факультет Қазақстанда тек М. Әуезов атындағы ОҚМУ-да ғана жұмыс жасайды.

     Факультетте қазіргі уақытта 12 елдің азаматтары оқуда:

     Сондай-ақ факультетте Беларусь, Иран, Қырғызстан, Пәкістан және Сирия елдерінен келген тыңдаушылар мен студенттер оқыған.

     2010 - 2011 оқу жылында дайындық бөліміне ҚХР, Өзбекстан және Түркіменстан елдерінен келген 166 тыңдаушы қабылданды.

     Әр пән бойынша оқыту және тестілеу мемлекеттік стандарттың ұлттық орталығы дайындаған тест материалдары негізінде жүргізіледі. Факультеттің ерекшеліктерінің бірі - шетел азаматтары мен шетелде тұратын қазақ ұлтының өкілдеріне жеңілдіктер қарастырылған.

     Жергілікті мектептерде оқитындарды дайындау курсы да көп жетістікке жетіп, республикалық деңгейде белгілі болып отыр. Талапкерлерді көбірек тарту мақсатында қала мектептерінің озық тәжірибелі ұстаздары шақырылып, сабақ беру де жақсы жолға қойылған.

     Шетелдік студенттерге арналған оқу-тәрбие жұмысы университеттің 11 факультетінде барлық мамандық бойынша жүргізіледі. Шетелдік азаматтарға визалық көмек көрсету және тіркеу Қазақстан Республикасының нормативті құжаттарына сәйкес факультет тарапынан жүргізіледі. Дәл қазіргі уақытта факультетте 12 елден келген 270 студент және 166 тыңдаушы білім алуда.

     Шетелдегі қазақ диаспорасы өкілдеріне арналған дайындық курстарының жұмысы қазан айынан бастап жүргізіледі. Дәрістер ұлттық бірыңғай тестілеуге кіретін 11 пән бойынша жүргізіледі. Тыңдаушыларға ай сайын 12950 тг. көлемінде шәкіртақы беріледі, сонымен бірге тегін оқулықтармен, жатақханамен қамтамасыз етіліп, университеттің спорт залдарында және Интернетпен жұмыс жасауға мүмкіндік берілген.

     Факультетте шетел азаматтарына арналған ақылы негізде оқытатын дайындық курсы бар. Оқу мерзімі­­­­ – 6 ай. Оқу ақысы – 145000 теңгені құрайды.

     Факультет дайындық курстарында жергілікті мектеп оқушыларын ҰБТ және кешенді тестілеуге кіретін пәндер бойынша дайындайды. Үш пән бойынша (қазақ тілі, Қазақстан тарихы және математика) 1 айға оқу ақысы – 6150 теңге, таңдау пәндері бойынша (география, химия, биология, физика, әдебиет, жалпы тарих, шет тілі және т.б.) – 3600 теңге. Оқудың жалпы мөлшері 9750 теңге (4 пән). Дайындық курсында оқитын мектеп оқушылары оқуда үлкен жетістіктерге жетуде. Курста оқитындардың дайындық деңгейі жұмыс қорытындысында жақсы біліммен дәлелденеді. Дайындық курсынан дәріс алған тыңдаушылар көп жағдайда (95 %) жоғары оқу орындарының грант иегері атанады.