Факультет деканы - Сарыкулов Құрманғалы Рахманбердіұлы - заң ғылымдарының кандидаты

• жоғары кәсіби білім беруде сапалы және тұрақты дамуға қол жеткізу;
• факультет қызметін еңбек нарығында жоғары және кәсіби қажетті мамандар даярлаудағы алдыңғы қатарлы рөлін бекітуге және сақтауға бағыттау;
• шетелдік ғылыми және оқу орталықтарымен қарым-қатынасты дамыту және қолдау;
• ғылыми зерттеулер және оқытудың әдістерін жетілдіру жолымен негізгі білім қорының тұрақты дамуы және сақталуы;
• оқу-тәрбие процесінде ғылым және білім беру саласының жалпы адами және ұлттық құндылықтарына сүйену;

• Студенттерде әлемдік тәртіптің даму механизмдері туралы негізгі түсініктерге және халықаралық институционалдық құрылымдар қызметінің тәжірибесіне негізделген, халықаралық қатынастар тарихы және халықаралық қатынастар теориясы бойынша жүйелі білім қалыптастыру;
• студенттердің белгілі бір теориялық білімді иемденуін, оны тәжірибеде қолдана білуін, әлемдік аренадағы процестерді талдай алуын, оларға баға бере алуы және болжай алуын  жетілдіру;
• қазіргі кезеңнің ғаламдық мәселелерінің талдауын, саяси жағдайларды болжап және үйлестіре алатын, теориялық және қолданбалы зерттеулер дағдысын игерген халықаралық қатынастардың қазіргі жағдайына бейімделуге қабілетті мамандарды дайындау болып табылады.
• Халықаралық қатынастар бакалаврының кәсіптік қызмет объектілері болып әлемдік экономика, мемлекеттің тарихы, әлемдік қауымдастықтың ішкі жүйесі, халықаралық қатынастар, халықаралық ұйымдардың қызметіндегі тәжірибелік және теориялық қырлары, халықаралық жағдайға маңызды ықпал ете алатын халықаралық ұйымдар, қазіргі кезеңдегі әлемнің ғаламдық мәселелері саналады. 

• Кәсіби деңгейі жоғары, танымал мамандарды оқу үрдісіне тарту;
• басқарудың әдістері мен түрлерін білім беру сапасымен жетілдіру;
• сапа саласында қызметкерлердің жауапкершілігін арттыру және жұмыс сапасын көтеруге мотивациялау (ынталандыру);
• заманауи білім беру технологияларының трансферті, шет елдік және отандық инвестициялар (салынымдар) үшін мамандықтың тартымдылық деңгейін көтеру;
• білім беру процесінің барлық кезеңінде тұрақты бақылау жасау;
• Кафедралар шет ел жетекші оқу мекемелерімен  бірлесіп ғылыми жобаларды атқаруды жолға қойған. Факультет Ультрех университетімен (Голландия), Ресей Федерациясы СІМ Дипломатиялық Академиясымен, ӨР ҒА Шығыстану институтымен, М.Ломоносов атындағы ММУ, Г. Сковород атындағы БелМУ (Минск), ӨР ҒА Философия институтымен тығыз байланыс орнатқан.

Студенттердің тәжірибесі

             Студенттердің тәжірибесі алдын-ала жасалған келісім негізінде келесі мемлекеттік мекемелерде жүргізіледі

Оңтүстік Қазақстан Облыстық прокуратурасы

ОҚО ІІД Шымкент қалалық Еңбекші полиция бөлімі

ОҚО ІІД Шымкент қалалық Абай полиция бөлімі

ОҚО ІІД Шымкент қалалық Әл-Фараби полиция бөлімі

ОҚО Еңбекші аудандық соты

ОҚО Әлфараби аудандық соты

ОҚО Абай аудандық соты

ОҚО Әділет Департаменті

ОҚО Шымкент қалалық арнайы мамандандырылған әкімшілік соты

Оңтүстік Қазақстан облыстық Кеден Департаменті

ҚР Сыртқы Істер Министрлігі

ОҚО Ішкі саясат басқармасы

Факультет бітірушілері өз білімін магистратурада жетілдіруге мүмкіндіктері бар

Үздік тәлімгер бейнесі!

     «Заңтану және Халықаралық қатынастар» факультетінің үздік тәлімгерлерінің бірі Джумадилов Бақыт Джорабекұлының факультеттің тәрбиелік өмірінде, студенттердің тыныс-тіршілігінде алатын орны ерекше деп айтсақ біз қателеспейміз. Өйткені біздің әрбір студентіміздің тұлға ретінде тәрбиелі өнеге болып қалыптасуына байланысты кез-келген мәселе бұл кісіні ешқашан қызықтырмай қойған кез болған емес. Факультет студенттерінің тәрбиелік болмысына шексіз қамқорлық жасап, студенттер үшін оқу орнындағы екінші әкедей боп көрінетін Бақыт аға еш уақытта факультеттің тәрбиелік тынысынан шет қалмай, барлық тәрбие бастамасынан шыққан іс-шараларға бірінші серпін беріп жүреді. Жастарға тәлім-тәрбие бере отыра, жастардын патриоттық-рухани жан-дүниесін байытып, оларды тұлғалық және өз мамандығының үздігі болу үшін талпындыруды Бақыт аға өзі үшін жеке парызындай санайды. Тәртіп, білім және өз бетінше білім алуды жастар үшін қайталанбас қағидаға айналдырған осы тәлімгеріміздің өмірбаяны туралы студенттерге жекелей қысқаша шолу жасау біз үшін өте орынды іс деп ойлаймын.

    Джумадилов Бақыт Джорабекұлы 1964 жылы 18 қыркүйекте Оңтүстік Казақстан облысы Байдібек ауданында, мемлекеттік қызметкерлердің отбасында дүниеге келген. 

    1981жылы ОҚО Шымкент қаласындағы  Қ.Спатаев атындағы №7 орта мектебін бітірді.

    1984-1986 жылдар аралығында Кеңес одағының қарулы күштер қатарында болды.

    1986 жылы Мемлекеттік медициналық институтының Шымкент қаласындағы филиалының «Фармация» мамандығына оқуға түсіп, оны 1991 жылы бітірген.

    1992-1998  жылы Оңтүстік Қазақстан облысы Ішкі істер басқармасының эксперттік-криминалистикалық бөлімшесінде, эксперт-криминалист болып қызмет атқарған.

    1999-2007 жылдар аралығында Казақ гуманитарлық заңтану университетінің Оңтүстік Қазақстан облыстық филиалында «Қылмыстық іс жүргізу және криминалистика» кафедрасында аға оқытушы қызметін атқарды.

    2000-2002 жылдар аралығында осы университеттің сыртай оқыту факультетінде «Заңтану» мамандығында оқып білім алды.

    2007 жылдан бастап қазіргі таңға дейін М.Әуезов атындағы Оңтүстік Қазақстан мемлекеттік университетінің «Заңтану және халықаралық қатынастар» факультетінде, декан орынбасарының қызметін атқарып келеді. «Заңтану» мамандығы бойынша білім алатын студенттерге «Криминалистика» және «Жедел-іздестіру қызметінің теориясы» пәндерінен білім береді. Қазіргі уақытта 3 курс, ЮМ 09-1к1 тобының тәлімгері болып табылады.