Мекен-жай:  ОҚО, Шымкент қ., Тауке-хан даңғылы, №15 ғимарат.

 Кезекші тел:  23-24-13   Факс:  23-20-63

Жалпы мәлімет

            М.Ауезов атындағы Оңтүстік Қазақстан мемлекеттік университетінің әскери кафедрасының тарихы өте бай. Оның қабырғасында студенттерді әскери дайындыққа ұлттық жүйесі бойынша жүргізілуде.

            Алғашында Құрылыс материалдары технологиялық институты (1943ж.), Қазақ технологиялық институты (1957ж.), Қазақ химия-технологиялық институты (1964ж.) болып аталып келіп М.Ауезов атындағы ОҚМУ аты берілді.   ҚСРО   Қорғаныс Министрі орынбасарының Директивасы бойынша 1963 жылдың 15 мамырында әскери кафедра құрылды.

            Әскери кафедраға өзінің үлкен үлесін қосқан бірінші бастығы подполковник Кривохижа В.С., жоғары оқу орынында әскери іс бойынша негізін қалаған.

            1966-74 жылдары аралығында әскери кафедрада келесі есеп мамандық бойынша запастағы офицерлер дайындалды «Зенитті артиллериялық қондырғылар взводының командирі», ал 1973 жылы әскери кафедрада ҚСРО Қорғаныс Министрі орынбасарының Директивасымен химиялық әскерлер мамандығы бойынша «Радиациялық, химиялық барлау және ядролық жарылысты белгілеу взводының командирі» деген дайындау басталды.

            1981 жылдан бастап  запастағы офицерлерді химиялық әскерлер  бойынша    төрт түрлі әскери-есеп мамандықпен дайындау енгізілді:

• «Химиялық қорғану бөлімшелерін, бөлім мен құрамаларды  қолдану».
• «Отшашу және түтіндетуші бөлімшелерді, бөлім мен құрамаларды ұрыстық         қолдану».
• «Радиациялық химиялық барлау және ядролық жарылысты белгілеу бөлімі  мен   құрамаларды  ұрыстық   қолдану».
• «Химиялық әскерлерді қару-жарақпен және қорғаныс құралдарын жөндеу». 

            Тәуелсіз мемлекеттің өз Ұлттық Қарулы Күштерді құрғалы әскери білім мемлекеттік  жүйесі бойынша құрылуы маңызды мүдделерінің бірі. М.Әуезов атындағы ОҚМУ әскери кафедрасы осы жүйенің негізін  құрайды.

            1997 жылы Қазақстан Республикасы Қарулы Күштер Бас штабы бастығының Директивасы бойынша «Жаяу әскердің ұрыс  машинасында  мотоатқыштар бөлімшелерді, бөлім мен құрамаларын ұрыстық қолдану» жаңа мамандығы ашылды.

            Қазақстан бойынша тек қана М.Әуезов атындағы ОҚМУ әскери  кафедрасында «радиациялық, химиялық және биологиялық қорғау бөлімшенің командирі» мамандарын дайындайды.  ҚР  Қарулы Күштерінде осы бөлімшелер М.Әуезов атындағы ОҚМУ әскери кафедраның түлектерінен толықтырылады.

            1963-2010 ж.ж. аралығында әскери кафедраға 12 000 нан астам  запастағы офицер кадрларын дайындап шығарған.  Бүгінгі күні әскери кафедрада 500 ден астам студенттер оқиды.

            Жоғары дәрежелі әскери-педагогикалық профессорлық-оқытушы құрамы, материалдық-техникалық базасы, әскери дайындықтың трансформациялық жүйесі бағдарламасына байланысты 2008-2009 ж.ж. әскери кафедрада кадрлы офицерлерді дайындау мамандығы «Командалық тактикалық сұйық отынмен қамтамасыздандыру» ашылды. 2011 жылы осы мамандық бойынша әскери дайындық жалғасуда.

            Жаңа инновациялық технологияны оқу процесіне енгізу арқылы, керекті білім, істей білу және іскерлік арқылы  кадр офицерлерінде қажеттілікті қанағаттандыру болады.

            Оқыту әдісі мен тәрбиелеу  жаңа технологиямен бірге заман талабына сай.

            Біз химиялық зертханамен; радиациялық, химиялық және биологиялық барлау техникалық құралдарымен;  жеке құрамының арнайы өңдеу құралдарымен дезактивация, дегазация, дезинфекциялау, қару жарақпен әскери техникалық,  киім-кешек, техникалық байқау пункті және авттокөлікті жөндеу, ату алаңы, саптық плацпен қамтамасыздандырылғанбыз. 

            Автоматтандырылған оқу процессі мен білімді бақылауға қарамастан әскери кафедраның  оқытушылары мен бастығы полковник Хакимжанов Сабиржан Хатипұлының оқыту шеберлігі  -жоғары мәртебеде. Біздің оқытушыларымыз өз ісінің білікті мамандары, он жылдан астам оқыту шеберлігін танытып келеді. Олар запастағы полковник Крохинцев С.Н., запастағы полковник Ан А.Н., запастағы подполковник Аюпов Б.Х., майор Кенжебаев Ж.А. Олар жоғары деңгейдегі әскери мектептен шынығып әр түрлі жауапты қызметтерін атқарған.

            Біздің офицерлеріміз «Химиялық қауіптілігі бар апаттардың қатты уландырғыш заттармен көлемдері мен зардаптарын болжау» компьютерлік бағдарлама жасап шығарған, авторы – запастағы подполковник Тазутдинов Ш.Н..

            Болашақ Отан қорғаушылардың  білім сапасына әскери кафедраға студенттерді іріктеу байкаумен қабылданғаны үлкен әсерін тигізеді.

           М.Әуезов атындағы ОҚМУ-нің әскери кафедрасының түлектері Қазақстан Республикасының Қарулы Күштерінің қатарына шақырылып өте жоғары кәсіпті сапалы деңгейінде өздерінің іскерлігін танытып  әскери қызметін атқаруда.           

Мамандықтар: (ӘЕМ).

1. «РХБ қорғау бөлімдері мен құралымдарының қолданылуы» ӘЕМ-111000.

Мақсаты: ҚР Қарулы күштерінің  РХБ қорғау әскерлеріне Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, өнегелі, запастағы офицерлерді дайындау.

ӘЕМ-111000 бағдарламасы бойынша дайындау нәтижесінде студенттер, 

Білуі қажет :

• Қазіргі заманғы жалпыәскери ұрыстарда радиациялық, химиялық, биологиялық қорғауды ұйымдастырудағы РХБ әскерлерінің алар орнын, жалпыәскери ұрыс негіздерін және РХБ құралымдарының жалпы әскери ұрыстарда қолданылуын;
• Радиациялық, химиялық, биологиялық қорғау құралымдарының арналуын, ұйымдық құрылымын, мүмкіншіліктерін және РХБ қорғау құралымдарының ұрыс қимылдарының негізін;
• Радиациялық, химиялық, биологиялық қорғауды, әскерлерді арнайы    өңдеуді және жергілікті жер учаскелерін, жолдарды, құрылыстарды  зарарсыздандыруды;
• РХБ қорғау құралымдарының әр-түрлі ұрыс түрлеріндегі қимылдарына жан-жақты қамтамасыз етілуін және құралымдарды басқаруды ұйымдастыруды;

Істей алуы қажет:

• Кез-келген ұрыс жағдайында взводты басқаруды;
• Радиациялық, химиялық және биологиялық жағдай туралы  деректер мен ақпараттарды жинауды,өңдеуді, бағалауды;
• Жұмыс картасын жүргізуді және соғысқа қажетті  құжаттарды құрастыруды;
• РХБ қорғау құрамдарының жоғары әскери дайындықта болуын қамтамасыз етуді;
• Арнайы және арнайы тактикалық дайындық бойынша сабақ өткеруді.  

2.«Түтіндеткіш және отшашқыш бөлімдер мен құрылымдардың қолданылуы» ӘЕМ-111100.

ҚР Қарулы күштерінде Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, өнегелі офицерлер дайындау, студенттерге Қазақстандық патриотизм сезімін қалыптастыру, Отанды қорғауға дайындын болуға, әскери парызын адал атқаруды, қарулы қүштер сапында қызмет етуді мақтаныш тұту және жауапкершілікпен қарауға баулу.

Білу керек:

• Химиялық қамтамасыз етуді ұйымдастыруда РХБ қорғану әскерлерінің алар орны;
• Ұрыстың негізгі түрлерінде радиациялық, химиялық қоғану құрылымдарымен, арнай өңдеу құрылымдарымен соғыс техникалары мен қару-жарақтарды, жол мен жер беткейлерін, киім-кешек пен жасақтарды арнайы өңдеуден өткеруді ұйымдастыруды және құрылымдардың мүмкіндіктерін;
• Қол астындағы әскери құрылымдарды басқаруды ұйымдастыру,  және іс-әрекеттерінің орындалуын қамтамасыз ету;

Істей білу:

• Химиялық  қорғану  взводын түрлі жағдайда басқаруды;
• Химиялық және радиациялық жағдайды бағалауды;
• Жұмыс картасын жүргізу және қажетті ұрыстық іс-қағаздарды құрастыруды;
• Навигациялық құрал-жабдықтарды пайдалануды;
• Взводпен арнайы тактикалық дайындық сабағын өткізу. 

3. «РХБ барлау және ядролық жарылыстарды белгілеу бөлімдері мен құрылымдарының ұрыстық қолданылуы» ӘЕМ-098000.

 Мақсаты: ҚР Қарулы күштерінің  РХБ қорғау әскерлеріне Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, РХБ барлауды ұйымдастыруды және жүргізуді басқара білетін, запастағы офицерлерді дайындау.

ӘЕМ - 098000 бағдарламасы бойынша дайындау нәтижесінде студенттер:

• РХБ барлау құралымдарының арналуын, ұйымдық құрылымын, мүмкіншіліктерін және  ұрыс қимылдарының негізін;
• Ядролық жарылыстарды белгілеп анықтауды; 
• Радиациялық, химиялық және биологиялық барлау жасауды (РХБ барлау) және қадағалауды;
• Радиациялық, химиялық, биологиялық жағдай туралы деректер мен ақпараттарды жинауды, өңдеуді және зақымдану туралы хабардар етуді;
• РХБ барлау құралымдарының әр-түрлі ұрыс түрлеріндегі қимылдарының жан-жақты қамтамасыз етілуін және құралымдарды басқаруды ұйымдастыруды білуі қажет;
• Радиациялық,химиялық, биологиялық баулау взводын кез-келген жағдайда басқаруды;
• Радиациялық, химиялық, биологиялық жағдайды бағалап лайықты шешім қабылдауды;
• Жұмыс картасын жүргізуді және соғысқа қажетті құжаттарды құрастыруды;
• РХБ барлау құрамдарының жоғары әскери дайындықта болуын қамтамасыз етуді;
• Арнайы және арнайы тактикалық дайындық бойынша сабақ өткеруді істей алуы қажет. 

4.«Радиациялық, химиялық,биологиялық қорғану қару-жарақтары мен құралдарын пайдалану және жөндеу»ӘЕМ-510200. 

Химиялық және радиациялық барлауда өз қол астындағыларын басқара білетін қазіргі замандағы әскерлерді химиялық қамтамасыз ететін, РХБҚ әскеріне запастағы офицерді дайындау.

Пәнді оқу нәтижесінде студенттер мыналарды білуі қажет: 

• Қаружарақтардың және радиациялық, химиялық, биологиялық қорғау шараларын ұйымдастыру ережелері және жөндеуден өткізу;
•  Қаружарақ және радиациалық шара, химиялық, биологиялық қорғау жабдықтық негізгі уйымдастыру эксплуатациясын

        Істей білу:

• Қаружарақтардың және радиациялық, химиялық, биологиялық қорғау шаралардың сақтау және техникалық жабдығын қадағалауын іске асыру;
• Қаружарақтардың және радиациялық, химиялық, биологиялық қорғау шараларының жөндеуін іске асыру .
• Қаружарақтардың және радиациялық, химиялық, биологиялық қорғау шараларының жөндеуден және эксплуатациядан жаттығу өткізу. 

5. «ЖӘЖМ-дағы мотоатқыштар бөлімдері мен бөлімшелердің ұрыста қолданылуы» ӘЕМ-021001.    

Мақсаты: ҚР ҚК  қазіргі заманғы ұрысты ұйымдастыруды  және   жүруді     білуге қажетті білімді меңгерген, өз халқына, Отанына және Үкіметіне мінсіз берілген запастағы офицерлер дайындау. 

	Дайындық нәтижесінде студенттер: қазіргі заманғы жалпыәскелери ұрыс негіздерін: мотоатқыштар және демеуші құрамдардың, ұйымдық  құрылысын, ұрыстағы мүмкіншіліктерін; шет ел армиясының, ұйымдық құрамын, қарулануын және іс-әрекет тактикаларын; ЖҚЖҚ қорғану негіздерін; әскерлерді жасырын басқарудың мәні мен мағынасын; тактикалық, тактикалық-саптық, нұсқау-әдістемелік сабақтарының әдістерін және ұйымдастыруды, ұрыстық атуды;     Білуі қажет: мотоатқыштар взводының, ротасының  ұрыс әрекеттерін ұйымдастыруды және оларды басқаруды; сеніп тапсырылған қару- жарақ пен ұрыс техникасының мүмкіншіліктерін тиімді пайдалануды; ұрысқа қажетті жауынгерлік, техникалық және тылдық қамтамасыз етуді ұйымдастыруды; роталық желідегі әртүрлі радиостанциялармен жұмыс істеуді; құрамдардың жоғары жауапкершілік дайындықта болуын қаматамасыз     етуді; жеке құрамның жауынгерлік дайындығы  бойынша сабақ жүргізуді.