Ысқақова Айгүл Төлеутайқызы

Ысқақова Айгүл Төлеутайқызы

Стратегиялық даму және интернационалдандыру жөніндегі проректор,

педагогика ғылымдарының кандидаты, доцент

Қабылдау бөлмесінің тел.: +7 (727) 221-19-91

E-mail: aiskakova@bk.ru

 

Қарағанды облысының Молодежный ауданында дүниеге келді. Қазақ мемлекеттік қыздар педагогикалық институтын «Педагогика және психология (мектепке дейінгі)» мамандығы бойынша үздік бітірді.

Өзінің еңбек жолын 1991 жылы Қазақ мемлекеттік қыздар педагогикалық университетінің «Мектепке дейінгі тәрбие әдістемесі» кафедрасында тағлымгер-зерттеуші болып бастады, Мектепке дейінгі тәрбие факультетінің оқу істері  бойынша декан орынбасары лауазымына дейін көтерілді (1992-2000).

2007 жылы А.Т.Искакова Қ.А.Яссауи атындағы Халықаралық қазақ-түрік университетінің жанындағы диссертациялық кеңесте «Қазақстан мектепке дейінгі білім беру мекемелерінде «StepbyStep» халықаралық білім беру технологияларының дамуы (1994-2006 жж.) тақырыбында кандидаттық диссертациясын сәтті қорғап шықты.

2011-2017жылдары А.Т.Искакова Абай атындағы Қазақ ұлттық педагогикалық университетінде ректор аппараты жетекшісінің орынбасары лауазымында; Бас ғалым хатшы, корпоративтік хатшы лауазымдарында жұмыс істеді.

2017 жылдан бастап А.Т.Искакова  жоғарыда аталған университетте Халықаралық ынтымақтастық департаментінің директоры лауазымында жұмыс істеді. Осы лауазымда қызмет атқару барысында университет 2017 жылы Топ-500 QS World University Ranking рейтингінде 481 позицияға көтерілді, шетелдік студенттер қабылдау көрсеткіші 5%-ға ұлғайды, Еразмус +, DAAD, Мевлана халықаралық жобаларының, қосдипломдық бағдарламалар және т.б. көрсеткіші арта түсті.

Халықаралық тәжірибесі, алыс және жақын шетелдерде біліктілікті арттыруы (АҚШ, Ұлыбритания, Испания, Венгрия, Чехия және т.б.) оның кәсіби, халықаралық ойлау деңгейінің артуына ықпал етті. ЮНИСЕФ, ЮНЕСКО, ЮСАИД, ТАСИС халықаралық жобаларына бірнеше рет қатысты, білім берудегі инновациялық технологиялар бойынша 50-ден астам сертификатқа ие.

«Болашақ» халықаралық бағдарламасының бітірушісі. 2013 жылы Ұлыбританияда  (Нортхэмптон университеті) 1.77 Т– Мектепке дейінгі және мектепалды білім беру теориясы мен әдістемесі мамандығы бойынша ғылыми тағлымдамадан өтті.

А.Т. Искакова зерттеуші-ғалым ретінде PhD докторлық және магистрлік диссертацияларға жетекшілік етеді, 110-нан астам ғылыми еңбектердің авторы (Харша-2 индексі), Дарынды балаларға арналған халықаралық қауымдастықтың мүшесі (АҚШ), Stepby Step халықаралық қауымдастығының мүшесі (Лондон), «7М012 - Мектепке дейінгі тәрбие және оқыту» мамандығы бойынша білім бағдарламаларын әзірлеу бойынша авторлық топтың құрамына кіреді (2019).

«ЖОО үздік оқытушысы-2016» атағының иегері.

Оның еңбегі, тапсырылған іске деген шығармашылық және жауапкершілік қатынасы халықаралық ұйымдардың алғыс хаттарымен, ҚР БҒМ ведомстволық наградаларымен, «Қазақстан Республикасы білім беру ісінің құрметті қызметкері» атағымен (2015), Ы. Алтынсарин атындағы төсбелгісімен (2018) марапатталған.