Магистратура

           Ғылыми және педагогикалық кадрларды дайындауда дәстүрлі түрде интеграциялайтын жоғарғы оқу орнынан (ЖОО) кейінгі білім беру ең алдымен тек қана жинақталған білімді сіңіріп және үйретуге қабілетті ғана емес, сонымен бірге жаңашылдық пен зияткерлік шығармашылыққа бейім жоғары мектеп оқытушылары мен жаңа зерттеуші ғалымдарды дайындау сапасын жақсартуға бағытталуы тиіс. Сонымен қатар жаһандану үдірістері дамыған жағдайда қазіргі ЖОО-нан кейінгі білім беру елімізді халықаралық деңгейде бәсекеге қабілетті адам ресурстарымен қамтамасыз етуі қажет. Сондықтан біртұтас экономикалық кеңестік жағдайларына барынша бейімделген жаңа сипатты маман дайындау әлемдік стандарттар деңгейінде оқытудың мазмұны, формалары мен құралдарын әрі қарай жетілдіру арқылы шешілуі тиіс.

         Жаңа технологиялар бойынша жоғары санатты маман дайындауда Магистрлік білім беру - үлкен маңызға ие. Ол мамандар қазіргі қоғамның даму деңгейін айқындайтын жаңа технологияларды дамыту мен тиімді пайдалануға белсенділік танытуға қабілетті болуы керек. Қазіргі жағдайда ғылыми-техникалық прогресс қарқыны экономика мен мемлекет қуатына шешуші ықпал ету жағдайында, магистрлік білімнің жеделдетілген және сапалы өріс алуы стратегиялық маңызды болып отыр. Бүгінгі таңда елдің экономикалық қуаты және табыстылығы оның өнім шығару және инновацияларды қоғам қызметінің барлық саласына ендіру мүмкіндіктеріне тәуелді, сондықтан қазіргі Қазақстанның бәсекеге қабілеттілігі айтарлықтай деңгейде ЖОО-нан кейінгі білім берудің ұлттық моделінің дамыту дәрежесімен анықталады.

          Магистартура - көп деңгейлі университеттік білім берудің үздіксіз жүйесінің маңызды және басым бағытты бөлімдерінің бірі. Магистр: Магистратураның кәсіби оқу бағдарламасын меңгерген тұлғаларға берілетін академиялық дәреже. Оңтүстік Қазақстан мемлекеттік университетінде магистратура 1998 жылы ашылған. Магистрлерді дайындау мемлекеттік тапсырыс бойынша немесе келісімшарт негізінде жүзеге асырылады.

        Магистратурада кадрлар дайындау жоғары білім берудің (бакалавриат) кәсіби оқу бағдарламалары базасанынд екі бағыт бойынша іске асады:

1) оқу мерзімі 2 жылдан кем емес ғылыми-педагогикалық бағыт;

2) оқу мерзімі 1,5 жылдан кем емес салалық бағыт.

         Салалық магистратурада экономика, медицина, құқық, өнер қызмет көрсету және бизнес салалары сияқты тереңдетілген кәсіби дайындыққа ие кадрларды, ЖОО-нан кейінгі кадрларды дайындауға арналған білім беру бағдарламаларын іске асырады. Ғылыми педагогикалық магистратура тереңдетілген ғылыми-педагогикалық дайындығы бар ЖОО-нан кейінгі білім беру және ғылыми-зерттеу секторы үшін маман дайындаудың ЖОО-нан кейінгі білім беру бағдарламаларын жүзеге асырады. Кредиттік технологияны жүзеге асыру бойынша М.Әуезов атындағы ОҚМУ-нің білім беру саясатының негізгі міндеті оның іргілілігін сақтай отырып оқу бағдарламаларын әлемдік дәстүрлерді: жүйелілік, оқу қызметінің үздіксіздігін, оқу жоспарларының академиялық еркінділігі мен көп нұсқаулылығын есепке ала отырып унификациялау негізінде қазіргі білім беру сапасын қамтамасыз ету болып табылады.

          М.Әуезов атындағы оңтүстік Қазақстан мемлекеттік университетіндегі магистрлерді дайындау мақсаты – техногенді жүйелері мен ғылыми ауқымды өндірістің түрлі салалары үшін ұйымдық басқару, аналитикалық ғылыми-зерттеу және педагогикалық қызметке дайындау. Магистратураның білім беру бағдарламасының мақсатты қызметі – кәсіби бағыттағы жоғары, санаты құдіретті мамандарды дайындау. Сонымен қатар ғылыми білімді меңгерген кәсіби мәселелерді шешуде ғылыми әдістер мен жүйелі тәсілдерді игерген ғылыми-зерттеу және ғылыми-педагогикалық мамандарды даярлау болып табылады. 

          Аталған мақсаттарға қол жеткізуде магистратура (жоғары оқу орнынан кейінгі білім беру орталығы) төмендегі маңызды міндеттреді жүзеге асырады:

- ғылыми-педагогикалық кадрларды дайындаудың ұлттық және халықаралық тәжірибесін талдау және жинақтау;

- Қазақстан ЖОО-дары мен алдыңғы қатарлы шетел университеттерінің білім беру бағдарламаларының салыстыруды қамтамасыз ету;

- жұмыс берушілер мен халықаралық еңбек нарығы сұраныстарына сәйкес магистрлер мен докторларды (Рһ.D) дайындаудың ұлттық моделін жасау;

- жаңа сипатта ғылыми-педагогикалық кадрларды таңдауы мен сабақтастығын қамтамасыз ету;

- шет елдерден шыққан бакалаврлар мен магистрлер үшін Қазақстандық ЖОО-нан кейінгі білім берудің тартымдылығын арттыру. 

         Магистратураға қабылдау шет тілі мен сәйкес келетін мамандық бойынша емтихандар нәтижесі бойынша үміткерледі конкурстық таңдау негізінде жүзеге асады. Қабылдау емтихандары нәтижелері бойынша жоғары баллға ие және белгілі бір ғылыми жұмыстары, жетістіктері (ғылыми-мақалалары, конференция баяндамалы, олимпиада жеңімпаздары), мамандығы бойынша еңбек өтілі бар үміткерлерге басымдылық беріледі.

         Ғылыми-педагогикалық магистратураның білім беру бағдарламасына базалық және салалық пәндерден басқа педагогика, психология және мамандыққа қатысты пәндерді оқыту әдістемесі бойынша пәндер ендірілген.

         Магистратурада оқытудың түпкі нәтижелері:

- аталған дайындық бағытына сай келетін қажетті кредиттер санын жинау;

- зерттеу тақырыбы бойынша екі ғылыми мақаладан кем емес жарияланым;

- магистрлік диссертация.

         Магистрлік диссертация: Ғылымның белгілі бір пәндік кәсіби саласы бойынша бекітілген формадағы магистранттың өзіндік ғылыми-зерттеу жұмысы нәтижелерін жинақтап, қорытындылау. Магистрлік диссертация нақты практикалық міндетті шешетін және ғылыми жаңалық элементтері бар аяқталған ғылыми-зерттеу түрінде ұсынылуы тиіс. Магистрлік диссертацияның негізгі нәтижелері аталған зерттеу саласы бойынша 2 алдыңғы қатарлы ғылым-сарапшының оң бағасын алуы, одан соң қысқаша автореферат түрінде жарияланып, кітапханаларға таратылуы, сонымен бірге Интернетте орналастырылуы тиіс. Магистрлік диссертацияны табысты қорғаған соң білім алушыға ғылым магистрі (сала бойынша магистр) академиялық дәрежесі беріледі.

          Рһ.D докторантурасы Университетте докторнаттарды дайындау іргелі университеттік білім берудің алдыңғы қатарлы әдістеріне негізделген. Дайындықтың жоғары саласы ауқымды адами және зияткерлік әлеуметтің болуымен, университеттегі ғылымды дамытудың жоғары деңгейімен, халықаралық байланыстардың кең желісімен сипатталады. Бүгінгі таңда Университет докторантурасында 9 мамандық бойынша 12 докторант білім алуда.

2010-2011 оқу жылына М.Әуезов атындағы ОҚМУ  PhD докторантураның 

мамандықтарының тізімі